Afghanistan leh Russia-in thawh dunna tur inremna ziak

Afghanistan leh Russia chuan Moscow-a International Security Conference neih kar lakah, sipai leh technical lama thawh dunna tur inremna an ziak. Inremna an siam dan kimchang erawh an puangzar lo.

Inremna thuthlung an ziahnaah hian Afghanistan defence minister Mawlawi Mohammad Yaqoob Mujahid leh Russia Security Council secretary Sergei Shoigu ten an telpui a ni.

Mawlawi chuan Russia nena an thawh dunna chu an tihchak zel a beisei thu a sawi a, Afghanistan chu kum 40 chhung indona hmachhawnin US-in kum 20 chhung an ram an luah abwk a, hei ang hian an ram pawhin a chhiat phah nasa hle tih a sawi. US in a chhuahsan hnuah an ramin hrekna te a hmachhawn leh bawk tih a tarlang. Sergei chuan Russia-in Afghanistan chu inpumkhat, zalen leh muanawm tak a nih a duh a, firfiakte chetna leh ruihhlo kaihhnawih thil sual dona kawnga Afghanistan hmalakna chu an thlawp thu a sawi bawk.

Sergei Shoigu chuan May thlir lam khan Afghanistan sorkar nena inbiakna an neih ṭan thu leh, Aghanistan thuneitute nen thawh hona ṭha tak siam an tum thu a lo sawi tawh a, an chhehvela ram dangte apwh Afghanistan nena inzawmna leh indawrna te nei turin a sawm bawk a ni.