Israel right-wing minister-ten Beirut bei chhunzawm turin PM nawr

Israel-a right-wing minister-te chuan prime minister Benjamin Netanyahu chu Lebanon-a Iran thlawp helpawl, Hezbollah ten Israel sipai leh Iserael hmarlama khuate drone hmanga an beih avangin, Lebanon khawpui Beirut-a Hezbollah hmunte chu bei chhunzawm turin an nawr.

Fiannce minister Bezalel Smotrich chuan Hezbollah-ten an mi leh sate beihna atana drone an tihpuah avangin, Israel chuan Beirut khawpuia in 10 chu a kah chhiat a ngai a ni, a ti. Smotrich hi Netanyahu cabinet-a far-right party hruaitu a ni a, Israel policy pangngai aia na zawka kal duhtu niin Lebanon chhim lam leh Gaza luah thlawptu langsar tak a ni. Minsiter dang, Itamar Ben Gvir pawhin Israel chuan an ram chhunga drone tihpuah chu a ngaizam mai tur a ni lo tiin, Prime Minsiter chuan US president Donald Trump hnenah Lebanon an do chhunzawm leh dawn tih a hrilh a ngai a ni, a ti.

Tun hnaiah Hezbollah hian Israel beihna atan First Person View kamikaze drone a hmang fo a, heng drone hi fiber-optic cable hmanga thunun niin, Lebanon chhim lama awm Israel sipaite high-tech jamming technology-te chu a pumpelh thei a ni.

US hmalaknaa April 16-a Israel leh Lebanon in inkahhai an puan hnuah, Israel hian tun thla tir lamah Beirut chhim lam daia Hezbollah commander a bei tih loh chu Beirut khawpui leh a chhehvelah beihpui a thlak tawh rih lo. Lebabon chhim lamah Hezbollah te nen erawh an la inkap fo thung.