Bahrain-in Iran thawhpuitu mi 9 dam chhung tang turin hrem

Bahrain court chuan Bahrain laka pawikhawihna thlenna tura Iran Revolutionary ‌Guard Corps (IRGC) thawhpuitu nia puh mi pakua dam chhung tang turin a hrem a, mi dang pahnih chu kum thum tang turin a hrem bawk.

Bahrain Interior Ministry chuan Iran hnena information pawimawh pe ṭhin, IRGC nena inzawmna nei mi 41 man a nih thu May 9 khan a lo sawi tawh a ni. Security lam thuneitute chuan IRGC awmpui pawl an hmu chhuak tih sawiin, Iran-in an ram a beihnaa lo inhnamhnawihte pawh chhui mek an nih thu an sawi bawk.

February 28-a US leh Israel-in Iran an beih hnuah, Iran hian a ṭhenawm rama US military base awmna ramte a bei let tel a, Bahrain pawh ṭum eng emaw zat missile leh drone hmangin a bei a ni.