California-ah ram kang vangin insawnchhuak turin hriattir

US-a California state chhim lamah ram kang, Sandy Fire nasa tak thleng vangin mi 17,000 chuang chu hmun him lamah insawnchhuak tura tih an ni.

Sandy Fire hi Thawhṭanni khan Los Angeles hmar thlang laa km 48 vela hla, Simi Valley-ah a chhuak ṭan a, Thawhlehni kihan ram square km 5 biala zaua a kang chhe tawh a ni. Thli a tleh tel avangin kangmei chhuak hi ṭhelh a harsa leh tih kangṭhelhtute chuan an sawi. Mahse, Nilaini aṭang khan thli tleh pawh a ziaawm a, kangmei chhuak hi 5% vel an thunun thei tawh a ni. Ram kan chhan hi hriat a ni lo a, chhui mek a ni bawk.

Santa Rosa Island-a ram kang bawkin, ram kang hian Channel Islands National Park-a cabinet leh bungrua dahna hmun a kang chhia a, National Park Service-a thawktu mi 11 te chu hruai chhuah an ni. Santa rosa hi camping leh hiking na hmun lar tak a ni. Kangmei hian far thing chi khat, Torrey Pine kung hmun pawh a tuam tel. Torrey Pine hi Santa Rosa Island leh San Diego bulah chauh hmuh tur an awm tawh nia sawi a ni a, kangṭhelhtute chuan kangmeiin he thing hmun a tihchhiat dante an enfiah dawn a ni.