Thailand-in visa-free stay hun titawi

Thailand chuan an rama zin, visa tel loa an awm theih hun ni 60 a bithliah chu ni 30-ah a pawt tawi. He ruahmanna thar hian ram 93 a huam ang.

Kum 2024, July aṭang khan Covid hrileng avanga an economy dinhmun tlahniam siamṭhatna tur kawng khat atan, Thailand hian khualzinte chu visa tel kher loin ni 60 thleng an rama an cham a phalsak a ni. Mahse, Thawhlehni khan he ruahmanna hi siamṭha in, ram 93 aṭanga kalte tan ni 30 chin bak visa tel loin a awm theih tawh dawn loh. Hei hi security thil atana ti an nih thu an sawi. Thailand-ah hian ram dang aṭanga lut, ruihhlo leh sex trafficking kaihhnawiha man mi tam tak an awm a ni.

Prime minister Anutin Charnvirakul chuan an ram economy leh national security dinhmunte ngaihtuahin, visa-free policy an hman chu ennawn a ṭul tawh nia sorkarin a ngaih thu a sawi. Visa system thar hi Royal Gazette a tihchhuah a nih aṭanga ni 15 ah hman ṭan a ni dawn tih a sawi bawk.

Thailand hi Asia ram zinga holiday hmanna atana tlawh lar ber zingah a tel a, tourism hi an ram economy tana peng pawimawh tak a ni. Kum 2019 khan khualzin mtd 40 vel an nei a; mahse, kum 2020-a Covid hri leng vang khan khualzin hi an tlahniam nasa hle.Kum hnih liam ta aṭang khan ziaawm chho lehin, nikum khan tlawhtu mtd 12 vel an tling chho leh tawh a ni.