New Zealand-in sorkar hnathawk 14% in titlem dawn

New Zealand sorkar chuan sorkar sum hmanral tam lutuk tihziaawmna turin, kum 2029 kum laihawlah sorkar hna chu 14% in tihtlem a tum a, hei hian sorkar hnathawk 9,000 vel a nghawng dawn a ni.

Finance minister Nicola Willis chuan hemi chungchang hi nimin khan sawiin, sorkarin kum thum chhung a zawnin public agency tam zawk budget pawh a a tihniam dawn tih a sawi a, department-te pawh tihtlem a ni dawn a ni. Hetianga an tih chuan kum thum chhung hian USD tld 1.4 an hum thei dawn niin a sawi. An ram khawpui, Wellington-a sorkar hnathawk awm chu 55,000 ah a tlahniam dawn tih sawiin, hei hi kum 2025 December thlaa awm aiin 8,700 in a tlem dawn a ni. New Zealand mipui, mi mtd 5.3 zinga sorkar hnathawk 1.2% awm chu 1% ah tihniam an tum a ni. Sorkar ruahmanna siam hi eptu party leh pawl hrang hrangin an sawisel nasa hle thung.