Trump leh Xi te an inhmu dawn

US president Donald Trump chu China-ah a zin dawn a, China president Xi Jinping nen an inhmu dawn. China chuan ram hruaitu pahnihte inhmuh tur hi a sawichiang tawh bawk.

Trump hi May 13-15 chhung China-ah hian a cham dawn a, kum 10 dawn hnuah US President-in China a tlawh lehna hmasa ber tur a ni. Trump hi America rama company lian hotuten an ṭawiawm dawn a, China firm-te inremna siampui an tum rin a ni.

Kum 2025 April thlaa Trump-a'n ram dang aṭanga bungrua an lak luhah chhiah lakna thar a siam hnuah US leh China inkar insumdawn tawnna dinhmun hi a ṭha lo chho hle. Trade war neiin chhiah lak zat an intihsan siak zui a ni, 100% ah te an tikai a ni. Mahse, nikum October thlaa South Korea-a Trump leh Xi te an inhmuh hnu khan chhiah tihsanna hi an titawp rih a, an invau zui reng thung. Tun kar ram pahnih hruaituten inbiakna an neihah hian sumdawnna leh investment lamah inremna an siam beisei a ni a, China hian Boeing airplane bakah American agriculture leh energy a leisak tur thu a puang dawn nia sawi a ni bawk. Board of Trade leh Board of Investment siamna tur ruahmanna chungchang pawh an meeting-ah an puan rin a ni bawk.