SKorea-in PM hlui hremna tihnep sak

South Korea appeal court chuan martial law puan kaihhnawiha an ram prime minsiter hlui, Han Duck-soo hremna, kum 23 tang tura tih chu nimin khan kum 15-ah a tihnepsak. Prosecutor-te chuan court thutlukna siam hi appeal an tum tih an sawi nghal.

Kumin January thla khan lower court chuan Han hi kum 23 tang turin a hrem a, mahse Han hian a appeal hnuah appeal court chuan kum 15-ah a tihhniamsak a ni. President hlui Yoon hi martial law puan chungchangah hian thubuai pariat siamsak a ni a, February thla khan dam chhung tang turin hrem a lo ni tawh bawk. Martial law hi darkar ruk chauh hman a nih hnuah sut leh nghal a ni.

Kum 2024 December thlaa South Korea president hlui, Yoon Suk Yeol-a'n an rama sipai thuneihna sang pekna dan, martial law a puan chungchangah PM hlui Han hian Yoon hi a dan loh bakah a lo pui zawk nia puh a ni. Judge chuan kum 76 mi, Han hian martial law puanna tura a ṭulte pawh tifel turin cabinet meeting a ko niin a sawi. Hetih lai hian Han chuan Yoon dan tumin meeting hi a ko niin a sawi ve thung.

Han hian an puhna hrang hrangte chu thu dik lo niin a sawi a, martial law puan chungchangah Yoon chu dang thei lo mah se, an thiltih chu a remtihpui loh bakah, a pui lo tih a sawi. January thlaa hremna tihchhuah hnuah jail-a dah a ni nghal a ni.