Brazil-ah ruah sur nasa avangin mi sang tel insawn chhuak

Brazil hmarchhak lamah kar liam ta khan ruah nasa tak a sur avangin mi sang tel hmun him lamah an insawn chhuak. Ruahsurin chhiatna a thlenah mi pahnih an thi bawk.

Pernambuco leh Paraiba state-te chu chhiatna thlen nasatna hmun niin, Pernambuco khawpui, Recife-ah chuan tuilian leh leimin an tuar a ni. Mi 1,500 vel chuan an in leh lo an chhuahsan tawh bawk.

Paraiba state khawpui, Jaoa Pessoa leh Campina Grande-ah pawh chhiatna a thleng nasa hle. National Center for Risk and Disaster Management chuan ruahsur vang hian emergency alert vawi 223 a tichhuak a ni.

President Luiz Inacio Lula da Silva ‌chuan chhiatna thlenna hmuna tualchhung hotute a biak thu sawiin,sorkar chuan harsatna tawkte ṭanpui leh chhawmdawl turin theihtawp a chhuah zel a ni, a ti.