China-in Africa ram laka chhiah lak titawp

China chuan nimin aṭang khan Africa-a ram pakhat, Eswatini tih loh ram dang zawngte lak aṭanga chhiah a lak a titawp. Eswatini ram hian Taiwan nena inzawmna ṭha tak an neih avangin chhiah lak tihtawp zingah an telh lo a ni.

Nikum Decembre thla aṭang khan China chuan Africa-a ram 33 lakah duty-free policy hi a lo hmang tawh a,tunah ram 53 a huam tel tir tawh dawn a, kum 2028 April 30 thleng policy hi hman a ni ang. A hnuah eng angin nge kalpui a ni dawn erawh a la sawichiang lo.

China chuan Africa-a ram rehtei zawkte laka zero-tariff kalpui hymasa ber a ni thu a sawi. Hetih lai hian sawiseltu lam chuan sumdawnna lama Africa rama a huang zauhna remchang atana tih niin an sawi thung.

US president Donald Trump chuan ram hrang hrangte laka chhiah lak zat a siamṭhat hnuah Africa ram eng emaw zat aṭanga bungrua a chawk luhah chhiah lak chu 30% turin nikum August thla khan a bituk a ni. Mahse, Supreme Court a inrawlh hnuah chhiah lak zat hi 10% ah tihhniam a ni tawh.

China-in Africa ramte laka chhiah lak a tihtawp hian an rama African agriculture product thawn luh lamah a san p hah hle rin a ni. Tuna Africa aṭanga a chawk luh tam ber mineral leh raw material te niin, crude oil leh metallic ore te a la lut nasa a ni. Kum 17 chhung chu China hi sumdawnna lama Africa thawhpui lian ber ram a ni tawh a ni. Kumin kumtir lam thla thum chhunga Africa-China insumdawn tawnna hi USD tld 94.5 a tling a, nikum aiin 23.7% in a tam zawk a ni.