Saudi Arabia-in Pakistan hnenah puihna USD tld 3 pe dawn

Saudi Arabia chuan sum lama harsatna tawk mek, Pakistan ram puihna turin USD tld 3 a pek belh tur thu a sawi. He thu hi Saudi Arabia tlawha zin, Paksitan prime minister Shehbaz Sharif leh Saudi Crown Prince Mohammed bin Salman ten meeting an neih hnuah puan a ni.

Pakistan hian United Arab Emirates (UAE) sum a puk sak, USD tld 3.5 chu tun thla hian a pek a ngai a, Saudi Arabia hnen aṭanga puihna a dawn hi a sum bat rulhna atan a hmang thei dawn ta a ni. Saudi Arabia chuan ṭanpuina sum a pek belh tur bakah, Pakistan hnena sum a lo hmantir tawh USD tld 5 rulh hun tur chu kum thum dang atan a pawhsei sak bawk.