Macron leh Starmer-ten international summit buatsaih

France president Emmanuel Macron leh UK prime minister Keir Starmer-te chuan nimin khan US-Israel leh Iran indona avanga oil phur lawngte tana tui kawng pawimawh, Strait of Hormuz khar chu hawn a nih leh theih dan ngaihtuain Paris-ah international summit an buatsaih. Summit-ah hian ram hrang hrang aiawh eng emaw zat an tel a, US aiawh erawh an tel ve lo thung.

Iran chuan February 28-a US leh Israel-in an ram an beih hnuah Strait of Hormuz hi a khar a, hei vang hian khawvel huapa oil leh energy supply kawngah ram hrang hrangten harsatna an tawh phah a, oil man pawh a san phah bawk a ni.

Summit neih hma hian France president Macron chuan Strait hawn a nih theihna tura an hmalakna, Strait of Hormuz Maritime Freedom of Navigation Initiative hnuaiah lawngte chu him taka an kal theihna tura venhimna pek chu an tum thu a lo sawi tawh a ni. Macron leh Starmer-te hi Strait hawn a nih theihna atan Iran an nawr a, he tui kawngah insumdawnna chu zalen taka kaltlangpui a nih leh thuai theihna atana hma an lak a ṭul thu an sawi.