Iraq President atan Nizar Amedi thlang

Iraq parliament chuan Inrinni liam ta khan an ram president thar atan Kurdish politician, Nizar Amedia an thlang.

Kum 58 mi, Amedia hi engineer niin environment minister hlui a ni a, kum 2024 aṭang khan Patriotic Union of ​Kurdistan (PUK)-a political office hotu a ni. President thlannaah Amedia hian vote 227 hmuin, a khingpui Muthanna Amin Nader chaun vote 15 chauh a hmu thung. Kum 2003-a US-in an ram a run hnuah Iraq president parukna tur a ni.

Iraq ramin an kalpui danah chuan President hi Kurdish an ni ziah a, prime minister hi Shiite community aṭang thlangin, parliament speaker hi Sunni community aṭangin thlan chhuah a ni bawk. Parliament chuan prime minister thar tur a thlang leh dawn a ni.