Iran-in an ram hrekna tihtawp a phût

US leh Iran-in Strait of Hormuz hawn a, kar hnih chhung inkahhai puan an remtih hnuah, Iran-in indo tihtawpna tura a thil phut 10 a siamte chu an ngaihtuah leh dawn a ni. Iran hian rawtna a siam zingah an ram hrekna siam mek tihtawp a tel. Hei bakah West Asia aṭanga US sipai hnukdawk vek turin a phut bawk.

Iran state media chuan an thil phutte hi tarlangin, an rama uranium sawngbawlna hna an kalpui chu US-in pawmpui a, an ram hrekna a siamte titawp turin a phut a ni. Hei bakah US-in Iran leh a thawhpui ram a beihnate tihtawp a, an rama Iran mi thil neih khawih chet theih loha a hrek mekte tihtawp a, inremna nghet a awm theihna tura UN Security Council resolution siamte a tel bawk. Iran hian Strait of Hormuz-a a thuneihna chu tihngheh a phut bawk a ni.

Iran foreign minister Abbas Araghchi chuan Iran chuan inbiakna neih chhungin Strait of Hormuz-ah lawng him taka an kaltlang a phalsak dawn tih a sawi. Hemi rual hian official-te chuan inkahhai puan hi indo tihtawpna a ni lo tih an sawi a, an inbiakna azirin thil kalpui a ni dawn tih an tarlang.

Islamabad-a inbiakna neih tur hian ni 15 vel a awh rin a ni a, ram pahnihten an remti a nih chuan pawhsei theih a ni bawk ang.