US-Israel in Iran lei lian ber bomb chhia

US leh Israel chuan Iran rama lei lian ber, leh Middle East-a lei sang ber, B1 bridge chu an bomb chhia. Iran chuan lei beihnaah hian mi pariat an thi a, mi dang 95 an hliam niin a tarlang.

Lei hi Iran khawpui, Tehran leh an ram khawthlang lama Karaj inkalpawhna tur a ni a, dawh zawh a la ni chiah lo a, an la thawk mek a ni. Meter 136-a sangah dawh a ni.

US president Donald Trump chuan lei tihchhiat a nih thu hi Truth Social-ah tarlangin, lei hi an hmang leh tawh ngai lo ang, tiin a sawi. Hemi rual hian Iran chu a tlai hmaa inremna siam turin a nawr nghal a, mahse Iran chuan tlawm mai an tum lo tiin an chhang zui. Trump chuan kar 2-3 chhung chu nasa taka Iran an beih leh tur thu saiwin, Iran power plant-te beih telah a vau bawk.

Iran foreign minister Seyed Abbas Araghchi chuan civilian structure beih a ni chu na taka sawiselin, heng vang hian an tlawm phah dawn lo tih a sawi. Lei leh building te chu a hma aia ṭha leh chak zawkin din leh an ni dawn a, America dinhmun erawh dinthar theih lohin tihchhiat a ni dawn tiin a vau zui a ni.