Nepal Court-in PM hlui Oli hren hun pawtsei

Kathmandu District Court chuan Ningani khan an ram prime minsiter hlui, KP Sharma Oli chu judicial custody-ah ni hnih dang awm turin a ti. Hemi hma hian court chuan Oli leh home minister hlui Ramesh Lekhak te chu nikuma Gen Z nawrh huaihawtte beih let a nih dana mawhphurtua puha man a nih hnuah ni nga chhung judicial custody-a awm turin a lo ti tawh a ni.

Kum 75 mi, Oli hi man a nih hnuah a hriselna ṭhat tawk loh avangin Tribhuvan University Teaching Hospital-ah dah a ni a, a la awm zui reng a ni. Police-te pawhin hospital-ah hian thu an zawhfiah a ni.

Hetih lai hian Oli-a party, Communist Party of Communist Party of Nepal (Unified Marxist–Leninist) (CPN-UML) chuan an party chairman hi chhuah turin an phut chhunzawm zel. Inthlanpui an neih hnua House of Representatives (HoR) session hmasa ber, Ningania neihah CPN-UML member Guru Baral chuan Oli man a nihna chhan chu sorkar tharin politics lama phuba a lakna a ni, a ti. Man a nih dan chu dan kalh leh, ram danpui ngaih pawimawh lohna a ni tiin, Oli leh Lekhak te chu chhuah turin a phut.