China leh Pakistan FM-ten Iran war chungchang sawi dun

China foreign minister Wang Yi leh Pakistan foreign minister Mohammad Ishaq Dar te chu Thawhlehni khan Beijing-ah inkawmin, Iran war chungchang an sawi dun. Middle East-a indona thleng mek tihtawp a nih theihna atana US leh Iran inkara palai hna thawh an inhuam thu pawh an sawi a ni.

Ram hruaitu pahnihte hian Iran war in an ram chhung leh khawvela nghawng a neih dan hrang hrangte an sawidun a, Middle East-a remna leh muaanna a awm theihna tura rawtna panga an siam dun pawh an tlangzarh nghal bawk.

Thuchhuah inṭawm an siamah Middle East buaina thleng mek chu chinfelna tur awmchhun chu inbiakna a neih a ni tiin, inkahhai puang tura an phut bakah tui kawng pawimawh, a bikin Strait of Hormuz chu hawn leh venhim an phut tihte an tarlang.

Pakistan hian remna palai hna thawh a inhuam thu a hma pawhin a lo sawi tawh a, prime minsiter Shehbaz Sharif leh army chief Syed Asim Muniter-te chuan US president Donald Trump leh Iran president Mahmoud Pezeshkian te bakah, ram dang hruaitu eng emaw zat an lo be tawh a ni.