SKorea-in motor khalh chhuah danah khuahkhirhna siam maithei

South Korea chuan West Asia buaina avanga oil supply khaihlak leh a man sang zel avangin, sorkar hnathawk leh mipui nawlpui tan pawh motor khalh chhuah danah khuahkhirhna a siam maithei tih finance minsiter Koo Yun Cheol chuan a sawi. Motor khuahkhirhna hi a siam a nih chuan, kum 1991-a Gulf War laia a siam hnuah an hman lehna hmasa ber tur a ni ang.

Minister chuan sorkar motor bikah chuan intlanchhawk tir an ni tawh tih a sawi a, hei hi private sector lamah hman tel a ngai dawn em tih an ennawn mek thu a sawi. Oil man hi tunah barrel khat USD 100-110 vel a ni a, USD 120-130 a kai chhoh chuan ruahmanna thar hi siam a ngai dawn tih a tarlang. Hemi rual hian Iran war chu a tawp thuai an beisei thu leh, khuahkhirhna pawh hi siam a ngaih loh a beisei thu a sawi bawk. South Korea-in crude oil a chawk luh zinga a tam ber, 70% vel hi Middle East aṭanga a lak luh a ni.

Kum 1990-a Gulf War thlengin oil lama harsatna a thlen avangin South Korea hian an rama motor-te chu ni 10 danah a intlanchhawk tir a, hei hi thla hnih chhung an hmang a ni.