Iran-in Pakistan flag zarna lawng 20 kaltlang phalsak

Pakistan foriegn minister Ishaq Dar chuan Iran chuan Pakistan lawng zarna lawng 20 chu Strait of Hormuz kaltlang a phalsak tih a sawi.

Dar chuan hemi chungchang hi X-ah sawiin, Iran sorkarin phalna a pek avanga an lawmthu tarlangin, an ruahmanna siamah nitin lawng pahnih zelin Strait hi an kaltlang phalsak an ni, a ti. Tun hnaiah Pakistan leh Iran hruaitute hi inbiain, Dar chuan Iran foreign minister Abbas Araghchi hnenah West Asia buaina tihziaawm a ngaih tawh thu te, boruak muanawm a awm theihna atana inbiakna neih a ṭul thute a hrilh a ni.

Iran hian Strait of Hormuz a khar hnuah pawh tun hnaiah Pakistan nena inzawmna nei lawng eng emaw zat chu an kaltlang a lo phalsak tawh bawk. Araghchi chuan Strait chu an khar pumhlum lo tih sawiin, Iran ṭhianṭha ramte tan chuan an hawng tih a sawi. Hetih lai hian Israel leh US bakah Middle East buainaa inhnamhnawih Gulf ram ṭhenkhat nena inzawmna nei lawngte erawh an kaltlang an remti lo tih a sawi.