Paraguay-in an ramri chhungah US sipai tam zawk awm remti

Paraguay-a Chamber of Deputies chuan an ramri bul, ram chhunga US sipaite leh civil mi tam zawk awm lailawkna tur, defence agreement siam chu a pawm.

Inremna hi Status of Forces Agreement, SOFA tih niin vote laknaah lawmaker 80 zinga 53 in an thlawp a, a duh lo lamah vote pariat chiah tlain mi 15 an hai a, vote lak ni hian lawmaker pali an kal lo thung. He inremna hi hman theih turin president Santiago Peña-a'n a hming a ziah hnan chiah a ngai tawh a ni. Peña hi US president Donald Trump-a thawhpui ṭha tak a nih avangin a hming pawh a sign thuai rin a ni.

He inremna siam hnuaiah hian US security force-te chu Paraguay-ah training, joint exercise leh chhawmdawlna hna thawk tura an awm theih dan duan a ni. Nikum December thla khan siam niin, kar liam ta khan Paraguay Senate chuan a lo pawm tawh bawk.