UK airbase-ah US military aircraft pahnih ṭum

United Kingdom-in US tan a airbase hman a phalsak hnuah Pathianni khan Glouchestershire-a RAF Fairford airbase-ah US Air Force thlawhtheihna pahnih an ṭum. Hemi hma, kar liam ta Zirtawpni khan he airbase-ah hian US B-1 Lancer bomber a lo thleng tawh bawk a ni.

RAF Fairford airbase-a US aircraft ṭumte hian M9iddile East lam an pan nghal dawn em tih erawh UK lam chuan an sawichiang lo. US president Donald Trump chuan kar liam ta Inrinni khan Britain chuan Middle East-a aircraft carrier pahnih thawn chungchang a ngaihtuah tih a tarlang a, mahse, US chuan Iran laka hnehna chang turin an mamawh tel lo tih a sawi.

Britain hian Iran beihna atana US sipaiten an airbase an hman hi a remti lo a, hei hi Trump; chuan na takin a lo sawisel tawh a ni. Iran an do meknaah Britain in a pui ṭha lo chu a hriatreng tawh tur thu a sawi a ni. UK prime minister Keir Starmer chuan a thutlukna siam chhan chu sipaite chet dan chuan dan a bawhchhia em tih leh, ruahmanna felfai tak a awm sa em tih a hriatchian phawt duh vang tih a sawi. Hemi hnu hian US chu Iran beihna lo chhan letna atan British airbase te hman a phalsak leh ta a ni.