Kenya ramah tuilian vanga thi 42 an tling

Kenya ramah ruahsur nasa avanga tuilian thlengah Pathianni thleng khan mi 42 an thi tawh tih sorkar chuan a tarlang. Tuilian hi an ram khawpui Nairobi bakah hmun dang eng emaw zatah an tuar a ni.

Kar liam ta Zirtawpni khan ruah sur nasa avangin tui a lian a, tuilian hian motor-te a hnawl bakah infrastructure eng emaw zat a tichhe bawk. Tuilianin motor a hnawl zinga 172 te chu lak chhuah an ni tawh.

President William Ruto chuan tuilan tuarte chhawmdawl hna chu rang taka kalpui turin a ti a, ei leh in tur bakah an mamawh dangte pawh sem nghal turin thupek a tichhuak a ni.

Scientist-te chuan khawvel sik leh sa danglam chak tak avangin East Africa-ah tuilian leh khaw khengte a nasa zual niin an sawi. Ruah sur hun a rei lo a, mahse a sur chhunah ruah bawhawk nasa taka a sur ṭhin avangin chhiatna pawh a thleng nasa zual ṭhin niin an tarlang.