Melania Trump-i'n UNSC meet kaihruai dawn

US president Donald Trump-a nupui, first lady Melania Trump chuan kar leha United Nations Security Council (UNSC) meet a kaihruai dawn tih UN secretary-general thupuangtu, Stephane Dujarric chuan a sawi. US First Lady zinga UNSC meet kaihruai hmasa ber a ni dawn a ni.

Meeting hi Thawhṭanniah neih a ni dawn a; education, technology, remna leh muanna bakah security chungchang sawi ho a ni ang. US First Lady ni tawh zingah UNSC meet-ah tel hi lo awm tawh ṭhin mah se, meet kaihruaitu erawh an la awm ngai lo.

Member 15 awmna, UNSC kaihhruai hna hi member ramten an inchhawk ṭhin a, US hian March thlaah a kaihruai dawn a ni. Hruaitu dinhmun changte hian meeting leh agenda tur hi an ruahman ṭhin. Tihdan phung pangngaiah chuan meeting hi UN-a an ram ambassador emaw, senior minister emaw ten an kaihruai ṭhin.