Venezuela-a tang 1,500 chuangin ngaidam tura dilna theh lut

Venezuela sorkarin an rama politics kaihhnawiha man, hremna pekte ngaihdam theihna tur dan a siam hnuah, he danin a huam tang mek zinga 1,557 chuan ngaidam tura dilna hi an theh lut tawh.

Interim president Delcy Rodríguez nuṭa, Jorge Rodríguez chuan dan siam a nih hnuah tang 379 chu chhuah an ni tawh niin a sawi. Tang chhuah zingah hian eptu pawl hruaitu zinga mi, Juan Pablo Guanipa pawh a tel. US chuan tang ngaihdam leh chhuah zalen chu chak zawka kalpui turin a nawr ve mek bawk. Jorge Rodríguez chuan jail aṭanga chhuah tura ngenna hi 1,557 an dawng tawh tih Inrinni k han a sawi a, tang chhuah tur pawh hi 11,000 ah tihpun tum a nih thu a tarlang.

US sipaiten an man tak, president hlui Nicolas Maduro kaihhruai sorkar khan sorkar sawisel ṭhin mi tam tak a man tih human right groups chuan a sawi. Hemi rual hian dan siam thar hian ngaihdam tura a huam zingah hian Maduro leh a kaihhruai sorkar sawisel avanga mante chauh a huam niin an sawisel a ni.