China-in UK leh Canada visa-free entry phalsak

China chuan UK leh Canada mite chu nimin aṭang khan an ramah visa tel loin an zin a phalsak. Heng ram pahnih tel hian China chuan ram 79 chu visa-free entry a phalsak tawh a, hei hi khualzin tam zawk hip luhna atan leh, sumdawnna huang zauhna atana a hmalakna a ni.

Visa ngai loa luh phalsakte hi China-ah hian ni 30 chhung an cham thei a ni. China hian kum hnih liam ta aṭang khan visa-free entry a pek zat hi a tipung chho a, Europe ram tam zawk a huam tawh a ni. Visa free nei ram tam zawk hi kuminah a tawp dawn a, mahse, a hma pawhin a lo pawhsei ṭhin avangin a pawhsei sak leh a rinawm. China visa dil hi a hautak ṭhin avangin visa-free entry a pek rama sumdawng leh khualzinte chuan lawmawm an tih thu an sawi.