Ukraine energy minister hlui man

Ukraine energy minister hlui, eiruknaa inhnamhnawiha puh, German Galushchenko chu Pathianni khan an ram chhuahsan a tum laiin man a ni tih thuneituten an sawi.

Galushchenko hi rel hmanga Ukraine chhuahsan a tum chu man nia sawi a ni a, khawi hmun nge pan a tum erawh sawilan a ni lo. USD mtd 100 hu scheme tihchingpennaa inhnamnawiha puh zingah a tel avangin nikum November thla khan abang a ni.

Energy sector hnuaia sum tam tak tihchingpen kaihhnawihah hian Ukraine president, Volodymyr Zelenskyy-a chief of staff, Andriy Yerman pawh a in dap a nih hnuah a nihna aṭangin a lo bang tawh bawk. President leh Yermak te hi sum tihchingpenaah inhnamnawiha puh tel an ni lo thung.

National Anti-Corruption Bureau of Ukraine (Nabu) chuan an detective-ten energy minister hluiin ramri a kan tur chu an man tih sawiin, hren a nihna hmun erawh a tarlang lo. Hetih lai hian report ṭhnekhat chuan Kyiv-ah thu zawhfiah turin hruai a ni tih an sawi. Nabu hian sorkar sum tam tham tak tihchinpgen chungchang hi a chhui mek a, Operation Midas tiin he thilah hian sorkar mi pawimawh eng emaw zat an inhnamhnawih nia sawi a ni. Nikum November thla khan deputy prime minsiter Oleksiy Chernyshow chu man a ni tawh a, sumdawng lian leh TV studio Kvartal95 neitu, Timur Mindich pawh inhnamhnawiha puh a nih hnuah ram dangah a tlanchhe tawh bawk a ni.