SKorea-in medical school seat tihpun tum

South Korea chuan doctor indaih lohna phuhrukna turin kum 2027 aṭangin medical school-a seat tihpun a tum.

Health minister Jeong Eun Kyeong chuan medical school-a seat awm zat, 3,058 chu kum 2027-ah 3,538 ah tihpun tum a ni tih a sawi. Kum nga chhung chu kum tin seat awm zat hi tipungin, kum 2031-ah 3,871 tlin tir hman an tum a ni. Hetichung hian president hlui, Yoon Suk Yol-a'n kum khata seat 2,000 a tihpun a lo rawt tawhna erawh a pha lo hle thung. Mahse, President hlui rawtna hi doctor tam takin an duh lo a, hun rei tak nawrh an lo huaihawt phah a ni.

Mininster Jeong chuan zirlai lak belhte chu regional physician programme kaltlangin training ṭha tak pek an ni dawn tih a sawi a, doctor awm ṭhat lohna thingtlang leh khaw te zawkahte doctor tam zawk dah theih an ni thei dawn a ni.

Kum 2024-a hetihlaia president, Yoon Suk Yol-a'n medical school-a seat tihpun a, kum 2035-ah seat 10,000 tlintir a rawtna chu ram chhunga doctor-te duh loin, medical school-te chu hetiang zat zirlai tihpun vakna tur thuam ṭhat a ni tawk lo an ti a, hun rei tak nawrh an huaihawt phah a ni. School te thuam ṭhat an nih loh chuan, zirlai lak zat tihpun vak hian service lam thlengin a nghawng thei zawk dawn niin an sawi. A hnuah sorkar chuan seat tihpunna tura ruahman hi a tihniam a, mahse kum 2024 December thlaa martial law a puan avanga nikum April thlaah Yooh hi paithlak a nih tak avangin an buain hi chinfel lohina awm zui ta reng a ni.

President Lee Jae Myung kaihhruai sorkar chuan kum 2026 atanga medical school-a admission lak theih zat chu 3,058-ah bithlialh lehin, nakkum aṭangin tlem tlemin tihpun chhoh a tum.