US leh Bolivia-in kum 18 hnuah palai intir tawn leh dawn

United States leh Bolivia ram chuan kum 18 hnuah ram palai an intir tawn leh dawn tih Bolivia foreign minister Fernando Aramyao chuan a sawi. A hun chiah la sawi lang lo mah se a rang thei ang bera dah tum a ni tih a tarlang.

Kum 2008 khan hetih laia Bolivia president, Evo Morales-a'n an rama US ambassador chu a kaihhruai sorkar phiarrua puhin a hnawt chhuak a, a chhan letna atan US chuan Bolivia ambassador a hnawt chhuak zui ve bawk. Hemi hnu hian ram pahnihte hian ram palai hian an intir tawn tawh lo.

Aramahyo chuan Nilaini khan US secretary of state Marco Rubio nen Washington-ah inbiain, ambassador dah leh chungchang hi an rel tih a sawi. Nikum November thlaa Bolivia president atana lak luh, Rodrigo Paz chuan US baka khawthlang ram dangte nena an inkar boruak ṭha lo te siamṭhat a, inlaichinna ṭha siam tumin hma a la mek a ni.