Trump-a'n Cuba hnena oil hralh ram chhiah tihsanah vau

US president Donald Trump chuan Ningani khan thupek tichhuakin, Cuba ram hnena oil hralh ramte chu chhiah tihsanah a vau.

Cuba foreign minister Bruno Rodriguez chuan Trump thupek tihchhuah chu sawiselin, Cuba ram leh Cuba mipuite rahbeh tumna a ni, a ti. US chu Cuba dan chah a tumna policy zawm tura ram dangte blackmail leh nawr luih tumah a puh bawk.

Ningani zing khan Mexico preident Claudia Sheinbaum leh Trump-te hi telephone-in an inbia a; mahse, Cuba chungchang an sawi lo tih Sheinbaum chuan a sawi. Mexico President hian US nena inlaichinna ṭha leh chak zawk siam a duh a, US nawrna avangin Cuba rama oil a hralh pawh a tihtlem rin a nih thu a hma pawhin sawi a lo ni tawh a ni.

Mexico sorkar hnuaia oil company, Pemex chuan kum 2025, January aṭanga September thleng khan nitin Cuba ramah oil barrel 20,000 dawn an thawn chhuak ṭhin. September thla hian US secretary of state Marco Rubio-a'n Mexico a tlawh a, hemi hnu hian oil an thawn chhuah hi ni khatah barrel 7,000 ah a tlahniam niin University of Texas Energy Institute expert Jorge Piñone chuan a sawi. Thawhṭanni khan Sheinbaum chuan Pemex-in Cuba rama oil a thawn chhuah chu tihtawp lailawk a nih thu a sawi leh bawk. Mahse oil thawn chhuah leh chhawmdawlna an pek chu tihtawp vek a ni lo a, Pemex contract neih dan azirin thutlukna siam leh a ni ang, a ti. Oil thawn chhuah an tihtawp lailawk chhan chu US nawrna vang niloin, Mexico sorkar thutlukna niin Sheinbaum chuan a sawi thung.

Cuba ram hian tualchhung buaina avangin hun eng emaw chen harsatna an tawk tawh a, US hian economy lamah a hrek mek bawk. Ram rethei an nih bawk avangin an ram chungchangah Trump-a'n thupek a tihchhuah chhan tak hi hriatchian a ni lo. Mahse, Mexico ram a nawrna atana tih niin an ngai a ni.

Trump-a'n IRS leh Treasury USD tld 10 chawi turin a khing

President Donald Trump chaun IRS leh Treasury Department chu kum 2018- leh 2020 inkara president chhiah pek dan tur chungchang, chanchinthar tihchhuaktute laka a put chhuah chungchangah a khing. USD tld 10 chawi tir turin a phut.

Trump hian Ningani khan Floridal federal court-ah thubuai theh lutin, Trump leh Trump Organisation confidential tax record put chhuak chuan an sumdawnna kawnga hmingchhiatna a thlen a, dik lo taka tarlan nih phahin President Trump thlengin a nghawng a ni, a ti. Tax record put chhuah hi IrS Code 6103 bawh chhiatna lian tak a ni.

Kum 2024 khan IRS contractor hlui, Charles Edward Littlejohn chu Trump leh mi dangte tax information a tih put chhuah avangin kum nga tang turin hrem a lo ni tawh a ni.