U.K., France, Canada-ten Jerusalem-a UN hmun tihchhiat an dem

United Kingdom leh a thawhpui ram, France, Canada leh ram dang ṭhenkhat chaun kar liam taa Israel thuneituten East Jerusalem-a UN U.N. Palestinian refugee agency, UNRWA compound an tichhia chu an dem thu an tarlang. Thuchhuah inṭawm siamin, Israel sorkar chu a thiltih hi tihtawp turin a ngen.

Israel sorkar chuan UNRWA hi Palestinian firfiak pawl, Hamas leh helpawl dangte thlawpah an puh reng ṭhin a; kum 2023, October 7-a Hamas in Israel chhim lam an beihnaah hian UNRWA mi leh sa pawh an tel niin an sawi. Gaza-a UNRWA hmunte pawh Hamas-ten Israel beihna atan leh, ralthuam thurukna atan pawh an hmang fo niin a sawi bawk. Hei vang hian Hamas leh helpawl dangte inzawmna a neihpui avangin, nikum January thla khan UNRWA a thawhpuina hi a titawp a, Israel rama hna an thawh a khap a, an hmunhmate pawh a tichhiat sak zui ta a ni.