Philippines-a lawng pilah mi 15 an thi

Philippines chhim lam tuipuiah an ram huna nimin zing dar 1.50 vel khan khualzin leh thawktu 352 phurtu lawng chesualin a pil a, mi 15 an thi.

MV Trisha Kerstin 3 lawng hi Zamboanga aṭanga chhim thlang lam, Solo province-a Jolo thliarkar pana kal a ni a, khualzin bakah bungrua a phur tel bawk. Chhan chhuah hna thawktute chuan lawng chesual aṭang hian mi 316 an chhan chhuak tawh. Chin hriat loha la awmte zawn chhunzawm zel an ni.

Coast Guard Commander Romel Dua chuan lawng chetsual chhan hi chhui mek a nih thu a sawi a, chhan chhuah hna thawhna atan hian lawng bakah sipai thlawhtheihna pawh hman a nih tih a tarlang.

Philippines ramah hian thliarkar 7,100 vel a awm a, lawng hmanga inkalpawh nih hlawm avangin lawng chetsualna hi a thleng fo a ni. Kum 2023, May thla khan lawngah kangmei a chhuah avangin mi 28 an thi a, an zingah ihan naupang pathum an tel. Kum 2022-ah lawng a kan avangin mi pasarih an lo thi tawh bawk.