Malaysia sipai hotu hlui leh a nupui eiruk thubuai siamsak

Malaysia sipai hotu hlui, Muhammad Hafizuddeain Jantan leh a nupui, Salwani Anuar te chu sipai hmanrua leina kaihhnawihah nimin khan eiruk thubuai siamsak an ni.

Kum 57 mi, Hafizuddeain leh kum 26 mi, Anuar te hian Malaysian Anti-Corruption Commission (MACC)-in dik lo takin dollar sang tel an dawng nia a puhna chu an pha thung.

Sum dik tawk loa dawnga puh a nih hnuah kumin January 1-a pension tur, Hafizuddeain hi nikum December thla khan a hna aṭangin chawlh tir a ni a, MACC chuan an nupa hian chhui zuiin, company eng emaw zat an dap bakah an nupa bank account pawh khawih chet theih lohin an hreng zui bawk. He thubuai kaihhnawihah hian sipai officer eng emaw zat man an ni tawh bawk.

Prosecutor-te chuan Hafizuddeain hian February, 2024 leh nikum November inkar khan dik lo takin sum, ringgit mtd 2.122 (USD 524,892) a dawng a, a nupui pawhin a company enkawl hmingin ringgit 77,000 a dawng niin an sawi. An nupa hian bail-a chhuahtir tir mek an ni a; mahse an passport theh luh tir an nih bakah thla tir MACC hnenah in report ziah tura tih an ni bawk. An thubuaiah hian thiam loh chantir an nih chuan kum 15 thleng lung-in tantir theih an ni ang.