Iran-in commercial aircraft tan airspace a khar

Iran chuan nimin zing khan a chhan sawi loin a airspace chu commercial aircraft tan darkar li a khar. Hei hi an rama nawrh huaihawtte laka sorkar chet dan chungchanga US nena an inepna a nasat chhoh vang nia ngaih a ni.

Iran hi East-West flight route pawimawh laia a awm avangin, airspce khar hian a nghawng zau hle. International carrier te chu Iran hmar leh chhim lamah thlawh tir an ngaih phah a ni. Nikum June thlaa Israel nena an ni 12 an indo ṭum khan Iran hian a airpsace hi al okhar tawh bawk.

Airspace hawn a nih leh hnuah pawh US chuan Qatar-a an military base-a awmte chu insawn chhuak turin a hriattir a, Kuwai-a US Embassy pawhin an mi leh sate chu military base lamah kal rih lo turin a hrilh bawk a ni.

US leh Iran inkar boruak ṭha lo chho zel avangin US bakah UK, India, Italy, Spain, Poland leh Australia chuan an mi leh sate chu Iran-a zin lo tur leh, a awm mekte pawh chhuahsan turin thurawn an pe tawh bawk.