Japan leh Philippines in defence lama thawh dunna tur ziak

Japan leh Philippines chuan defence lama thawh dunna tur inremna pahnih nimin khan an ziak. Inremna an ziahah hian security lam thuam chakna tura ram pahnih sipaite tana supply leh service inthleng tawnna pawh telh a ni.

Thawh dunna tur inremna, Acquisition and Cross-Servicing Agreement hi Manilia-ah Japan foreign minister Toshimitsu Motegi leh Philippines foreign minister Theresa Lazaro ten an ziak a ni. Foreign minister pahnihte chuan Japan hian Philippines Navy thuam chakna tura inflatbable boat a pek dahna tur siamna atan Official Security Assistance hnuaiah USD mtd 6 a pek thu an puang nghal bawk.

Kum 2024 kum laihawlah khan ram pahnihte hian Reciprocal Access Agreement an lo ziak tawh bawk a, he inremna siam hmang hian joint combat exercise neihnaah sipaite chu ram pahnih huam chinah hian intirhtawn phalsak an ni. Hei bakah live-drill vawi nga neih tum a ni bawk. Hemi kum September thla aṭang khan hman ṭan a ni.

Tun ṭuma inremna an siam tur chungchangah hian nikum April khan hetihlai Japan prime minsiter Shigeru Ishiba leh Philippines president Ferdinand Marcos Jr te chuan inbiakna neih ṭan a nih thu an lo puang tawh a ni.