Israel-in international organsation 3 thawhpuina titawp

Israel foreign ministry chuan international organisation pathum an thawhpuina an titawp tih a sawi a, heng zinga pahnih chu UN agency an ni. US sorkar chu kar liam ta khan international organisation 66 a thawhpuina aṭangin a lo inhnukdawk tawh bawk.

Foreign minister Gideon Saar-a'n international organisation eng emaw zat an thawhpuina ennawn tura a hriattir hnuah, he thutlukna hi siam a nih thu ministry chuan a sawi. An thawhpuina an tihtawpte hi UN Energy, UN Alliance of Civilisations leh Global Forum on Migration and Development-te an ni. Ministry chuan UN Alliance of Civilisations hi an thawhpui reng chungin an thiltihnaah Iserael sawm an ni ngai lo a, kum tam tak chhung Israel beihna platform atana hman a ni zawk a ni, a ti. UN Energy pawh ṭangkai lo tiin, Global Forum on Migration and Development chuan ram inrelbawlna ngai pawimawh loin, anmahniin immigration law an siamte hman luihtir a tum niin a tarlang.