Thailand-ah crane-in rel tlan lai a delh, mi 22 an thi

Thailand hmarchhak lam bialah nimin zing khan Bangkok pana rel tlan lai chu rel kawng siam hna thawhna atana hman, crane-in a delh a, rel hi chesualin mi 22 an thi a, mi dang 30 an hliam bawk.

He thil thlenna hmun hi Thailand khawpui, Bangkok aṭanga km 230 vela hla, Nakhon Ratchasima province-a Sikhio district-ah a ni. Crane hi high-speed rail project-a hman lai niin, a hnathawh lai chesualin a hnuai lama rel tlan lai chu a delh ta a ni. Rel hi a chetsual phah bakah a kang zui bawk a, mahse kangmei chhuak hi rei lote hnuah ṭhelh mih a ni. Rel pindan a delh hi a chhe nasa hle bawk.

Chetsualna thlenna hmunah hian chhanchhuah hna thawktu team eng emaw zat tirh nghal an ni. Transport minister Phiphat Ratchakitprakarn chuan relah hian mi 195 vel an chuang tih a sawi a, hliam tuar zingah dinhmun ṭha lo tak tak an awm bawk tih a sawi.