Brazil President-in Bolsonaro tan hun tihnep theihna tur bill a hnawl

Brazil president Luiz Inacio Lula da Silva chuan sipai chakna hmanga a kaihhruai sorkar paihthlak tuma puha thiam loh chantir, president hlui Jair Bolsonaro jail tan hun tihnepsak theihna tur bill siam thar chu a thuneihna hmangin a hnawl.

Bill hi nikum October thla khan eptu lamin an thunun, Congress-ah pass a lo ni tawh a ni. He bill hmang hian kum 27 tang tura hrem, Bolsonaro jail tan hun hi tihhniam sak a ni thei dawn a; mahse, President hian Congress-in a pass tawh bill hi a pawmpui thei lo a ni. A veto hmanga bill a lo hnawlsak chungchangah, Lula chuan an ram hma lam hun tur thlirin, thil ṭha lo tak thleng tawhte chu an theihnghilh mai tur a ni lo a, bill hi dana chantir a nih chuan Brazil democracy beituten an hlawkpui ber dawn a ni, a ti.