Nepal-ah Hindu leh Muslim-te intihbuai vangin curfew puang

Nepal chhim lama Birgunj khawpuiah Hindu leh Muslim-te intihbuai vangin curfew puan a ni. Thupek zawm lote chu security force-ten silaiin an kap zel dawn tih thuchhuah siamah an tarlang.

Kar liam ta kartawp khan mosque beih leh suasam a ni a, hei vang hian Pathianni khan Muslim pawl chuan lungawi lohna an lantir a, hemi ni vek hian Hindu pawl chu a hrana pungkhawm ve bawkin, an intibuai zui a ni. Buaina chhuah hnu hian sipai leh police eng emaw zat khawpuiah duty tir nghal an ni.

Birjunj hi Nepal khawpui, Kathmandu chhimlam km 130 vela hlaa awm a ni. India aṭanga oil leh bungrua an lak luhna kawng pawimawh tak a ni. Nepal hi Hindu tamna ram a ni a, Muslim awm zinga a tam zawk hi chhim lam ramri bialah an cheng. Hindu leh Muslim intihbuaina hi a thlneg khat hle niin an sawi.