China-in Japan-ah dual-use item thawn luh khap

Taiwan chungchanga avanga China leh Japan intihthiam lohna chu a la ziaawm thei lo. China chuan Japan ramah dual-use item thawn luh khapna a tichhuak thar leh a, hei hi Japan chuan a sawisel zui nghal bawk.

China Commerce Ministry chuan Thawhlehni khan thuchhuah siamhn, an ram venhimna turin, Japan sipaite thuam chakna thei tur dual-use item chu Japan ramah thawn luh khap a ni tih a sawi. Mahse, hei hian eng bungrua chin nge a huam erawh a sawilang lo.

Japan Ministry of Foreign Affairs chuan China thuchhuah hi chhang let nghalin, thiltih awm lo tak a ni a ti a, thupek pawh sut leh nghal turin a phut.

Nikum kum tawp lamah khan Japan prime minister, Sanae Takaichi chuan China-a sipai chakna hmanga Taiwan ram a bei a nih chuan Japan a inrawlh ve tur thu a sawi a ni. Hetih lai hian China-in Taiwan hi a ram chin anga a la ngaih reng avangin Japan PM thusawi hi a helh hle a, ram pahnih inkar boruak pawh a chhe zui hle. Taiwan hian ram hruaitu leh sipai, passport leh pawisa pawh a hran vekin nei mah se China aṭang han official-a indepedence a puanna a la nei lo a, ram tam zawk pawhin independent ram angin an la pawm lo. A pawm lo zingah Japan pawh hi a tel tho a ni.