Switzerland bar-a kangmei chhuaka thite hre kim tawh

Switzerland-a Crons-Montana ski resort-a Le Constellation bar-a kumthar lawmnaa kangmei chhuaka thi, mi 40 te ruang chu enfiah an nih hnuah an nihna hriat kim a ni tawh tih police-te'n an sawi.

Bar-a kangmei chhuaka thite hi an taksa a kan chhiat nasat avangin enfiah hun pawh a duh rei dawn tih an lo sawi tawhani. Police-te chuan thite hi kum 14-39 inkar anni tih sawiin Swiss, Italian, Romanian, Turkish, Portuguese, French leh Belgian te bakah UK, France leh Israel mi pawh an tel. Mi 40 an thih bakah mi 119 in hliam an tuar bawk.

Kangmei chhuahna hmun, Le Constellation bar hi ṭhalaite zingah a lar hle. Police-te chuan bar enkawltu, French nupa chu chhui zui mek an nih thu an sawi.