Switzerland-a kangmei chhuaka thite ruang la finfiah kim thei lo

Switzerland-a Crans-Montana, Swiss Alps-a ski resort-a January 1, 2026 kumthar lawmna hmuna kangmei chhuaka thite ruang chu an taksa a kan chhiat nasat avangin tunge an ni tih an la finfiah kim thei lo.

Le Constetallation bar-a kangmei chhuak vang hian mi 40 anthi a, hliam 115 an awm bawk. Hliam zinga ṭhenkhat chu an ngaihtuahawm hle niin official-ten an sawi. Thi zinga tam tak pawh an taksa a kang chhe nasa hle a, an nihna hriat kim vek tur chuan hun pawh a la ngai rei dawn dawn tih an talrang.

Crans-Montana mayor Nicolas Ferau chuan mitthite hming leh nihna hriat kim vek chu an hna hmasa a ni tih a sawi a, expert-ten dental leh DNA sample hmangin ruangte hi an enfiah mek a ni. 100% a finfiah an nih hma chuan an chhungte chanchin an hriattir thei lo tih a sawi.

Bar-a kangmei chhuah chhan tak hi hriatchian a la ni lo a, thuneitute chuan inbeihna lam thil aiin tihpalh thila chhuak a nih an ring a ni. Ṭhenkhat chuan bar-a an thil hal chuan basement ceiling man kaiin, heta ṭang hian kangmei hi a chhuak zui ta niin an tarlang a; mahse, finfiahna engmah a la awm lo.