EU-in Ukraine tan loan € tld 90 pek remti

European Union (EU) chuan indona avanga sum lam dinhmun harsatna tawk mek, Ukraine tan loan € tld 90 pek a remti. Hetih lai hian Russia thil neih hrek tura rawtna awm chungchangah erawh an inrem thei lo.

Brussel-a summit neihah EU hruiatute chuanNingani zan khan thutlukna hi an siam thei a ni. Summit kaihruaitu, European Council hotu Antonio Costa chuan Ukraine ram invenhimna tur leh, an ram mipuite puihna tur pek an remti tih a sawi. Loan hi kum hnih chhungin, bloc common budget aṭangin pek a ni ang.

EU chuan Ukraine hian indona avanga an ramin chhiatna nasa a tawrh aṭanga indinthar lehna turin € tld 135 vel a mamawh dawn niin a chhut. Ukraine loan pekna atana EU-a Russia central bank thil neih, € tld 200 hu vel hrek sak rawtna erawh an pawm tlang thei lo a ni.