Mexico-a thlawhtheihna chesualah mi 7 an thi

Central Mexico-ah an ram huna Thawhṭanni khan thlawhtheihna te chi chu emergency-a a ṭum tur chesualin a tla a, a kang zui a ni. Mi pasarih an thi tih Mexico State Civil Protection Coordinator Adrian Hernandez chuan a sawi.

Chhiatna thlenna hmun hi industrial area, San Mateo Antenco a ni a, Toluca airport aṭanga km 5 vela hlaa awm a ni. Private jet hi Acapuloa aṭanga thlawk chhuak a ni.

Hernandez chuan thlawhtheihnaah hian passenger pariat leh thawktu pahnih awm anga ziah luh a ni tih a sawi a; mahse, a tlakna hmunah hian ruang pasarih chauh an hmuh thu a tarlang. Soccer field-ah emergency-a ṭum a tum a abul hnaia building-a in chung, metal chu a su a, a tla zui ta tih a sawi. Chetsualna thlen dan kimchang hi chhui mek a ni, a ti. A tlak hnuah a kan zui bawk avangin a tlakna bul hnaia awm mi 130 chu hmun him lamah sawn chhuah an ni tih a sawi bawk.