Sudan-a UN facility beihnaah UN sipai 6 an thi

Sudan ramah Inrinni khan UN facility chu drone hmangin beih a nia, UN muanna sipai paruk an thi tih secretary-general Antonio Guterres chuan a sawi.

UN facility an beih hi Kordofan biala Kadugli khuaa mi a ni. Sipai paruk an thih bakah pariat an hliam bawk. Thite hi Bangladesh mi vek an ni a, UN Interim Security Force for Abyei, UNISFA hnuaia thawk lai an ni.

Pawikhawihtute hi hriat an la ni lo a, Sudan sipaite chuan an rama thuneihna chuhpuia kum hnih chuang sipai nena inbei tawh, paramilitary group Rapid Support Forces tih niin an chhal. Anni lam hian sawi engmah an la neilothung.

Guterres chuan UN muanna sipaite beih chu international law hnuaiah war crime a ni tiin, he pawikhawihnaa mawhphurtute chu chhui chhuah a, hremna pek an nih ngei tur thu a sawi.