Sudan-a hospital beihnaah mi 100 chuang thi

Sudan rama hospital leh kindergarten beihnaah mi 114 an thi tih World Health Organistation hotu, Tedros Adhanom Ghebreyesus chuan a sawi.

He pawikhawihna hi kar liam ta Ningania thleng kha niin, South Kordofan biala Kalogi khuaa facility beihna atan hian drone hman a ni. Thi zingah hian naupang 63 an tel.

Army leh medical organisation, Sudan Doctors' Network chuan pawikhawihna thlentu hi Rapid Support Forces (RSF) an puh. RSF hian an rama oil field lian ber, Heglig chu an thunun tawh niin an sawi.

Sudan ramah hian kum 2023 aṭang khan RSF leh army te hi thuneihna inchuhin an inbei tawh a ni. Sudan khawpui, Khartoum leh Darfur bialte chu tualchhung indona thlen nasatna hmun a ni. An inbeihna bial chhunga awm, mi mtd 8 dawn chenna, Kordofans bial chu RSF thununna hnuaiah a awm tawh a ni.

Hospital beih chungchangah RSF lam hian sawi an la nei lo. October thla khan Darfur biala el-Fasher khaw hospital beitua puh an lo ni tawh bawk a, mahse an pha thung.