China bungrua thawn chhuah USD tn 1 a tling

China General Administration of Customs in report a tihchhuah tharah, kumin chhungin November thla thlenga ram danga bungrua a thawn chhuah chu a vawi khatna atan USD tn 1.08 a tling.

US nena chhiah lak chungchangah buaina an neih vangin US bika an thawn luh hi 28.6% in a tlahniam a, hetichung hian market danga an bungraw thawn chhuah erawh a pung nasa hle thung. An bungraw thawn chhuah punna hi Southeast Asia,Africa, Europe leh Latin America-ahte a ni. Nikum tun ang huna an bungraw thawn chhuah aiin kumina an thawn chhuah hi 5.9% in a pung a, an bungraw chawk luh punna hi 2% a tling lo thung. October thlaa high level meeting-ah khan ram chhunga thil siam hman uar a ṭul thu tarlan a ni a, an rama sumdawngte inthlauhna nasa tihziaawmna turin a pawimawh tih an sawi a, hei vang hian ram chhung thil siam chhuahte hman uar bakah, ram dang aṭanga lak luh tihtlem kawngah a pui nia ngaih a ni.

Expert-te chuan kumin chhunga China annual growth hi 5% vel a ni pha dawn niin an chhut. Thawhṭanni khan rorellai, Communist Party thuneitu sang, Politburo chu president Xi Jinping hoin an ṭhukhawma, 2026 economic plan an sawi ho.