Taiwan-in Chinese app RedNote khap

Taiwan chuan an ram a app hman lar tak China siam RedNote chu online shopping hmanga inbumna hrang hrang a tam avangin kum khat chhung an khap dawn tih an puang. App khap hi TikTok ang chi platform niin app chungah hian built-in shopping feature a awm tel a, nikum aṭang khan inbumna vawi 1,700 chuang report a lo ni tawh a ni.

China app kaltlanga inbumna thleng vang hian Taiwan Criminal Investigation Bureau chuan USD mtd 7.9 sum hlohna a thleng tawh niin an tarlang. BBC chuan hemi chungchangah hian Taiwan be pawp nghalin ram chhunga hmangtu tam tak chuan an hmang thei tawh lo niin an sawi a; heihi app restriction awm vang niin an tarlang.

RedNote hi kum 2013 khan tlangzarh niin khawvel pumah mi maktaduai za chuangin an hmang hman a, Asia-a app lar pawl a ni hman bawk. Hmangtu an pun chhanah hian US-in TikTok khap an tum tih an puan hnua, a thlakna atana hmang an tam vang ni a ngaih a ni. RedNote hian China-a enkawltute chu platform-a post an siam ṭha lo tak vangin hremah an lo vau tawh bawk.