Imran Khan-a fapain a pa dinhmun zepah sorkar an puh

Pakistan prime minsiter hlui, Imran Khan-a fapa chuan jail-a tang mek, an pa chanchin hi kar thum chhung an hre tawh lo tih sawiin, a dinhmun zepah thuneitute an puh.

Imran Khan-a fapa, Kasim Khan chuan court-in kartin hmuh a phalsak laiin, jail thuneitute chuan kar thum chhung a chhungte hmuh an phalsak tawh lo tih a sawi a, a la dam ngei em tih finfiahna pawh an nei lo tih a tarlang. "I pa chu a him em, hliam a nei em tih leh, a la dam em tih pawh hre miah loa awm chu kan rilru nghaisakna nasa tak a ni," tiin a chanchin hriattirna engmah an dawng loa, thuneitute lamin thil ṭha lo tak thup an nei em tih chuan an hlauhthawn ber a nih thu a tarlang.

Khan-a chhungte hian a mimal doctor hmuhtir phalsak tur pawhin an lo dil tawh a, mahse, kum khat chhung chu a endik an phalsak tawh lo niin Kasim Khan chuan a sawi.

Kum 72 mi, Imran Khan hi kum 2022-a Parliament-a prime minister a nihna aṭanga paihthlak a nih hnuah thubuai eng emaw zat siamsak a, a thubuai ṭhenkhata thiam loh chantir niin kum 2023, August thla aṭang khan jail-ah dah a ni.