Sri Lanka-ah leimin leh tuilian vangin mi 30 chuang thi

Sri Lanka-ah kar liam ta aṭang khan ruah nasa taka a sur avangin leimin leh tuilian thlengah mi 30 chuang an thi tawh a, chin hriat lohin mi 14 an awm bawk.

Disaster management centre (DMC) chuan tuilianin kawng a chim nasat avangin inkalpawhna lamah pawh harsatna a thlen tih a sawi.Chhiatna thleng avanga thi zinga mi 18 chu an ram khawpui, Colombo aṭanga km 300 vela hla, Badulla leh Nurwar Eliya tlangdunga mite an ni tih a tarlang.

Leiminin chenna in 400 vel a tichhia a, mi 1,100 chu awm lailawkna tura siamah an khawsa mek a ni. DMC chuan lui tuite a la len belh dawn nia sawiin, lui kam hnaiah chengte chu hmun sang lamah insaseng turin a hriattir. Harsatna tawkte chhan chhuah hna thawk turin sipai leh police tirh an ni a; lawng, helicopter leh motor hmangin ṭanpuina hna thawk tur hian an thawk chhuak a ni.