US sorkar shutdown tihtawpna tur inremna siam

US Senate-a Democrats leh Republican hruaitute inbia chuan Pathianni khan hun rei tak sorkar shutdown tihtawp a nih theihna turin inremna an siam a, an inremna siam hi Senate-ah ngaihtuahin vote lak a ni ang.

Short term funding bill chungchanga Democrats leh Republican an inrem theih loh vangin US sorkar hi hna thawk thei loin hun rei tak shutdown a ni tawh a, Pathianni kha a ni 40-na niin sorkar shutdown a nih rei ber ṭum a ni tawh. Pathianni khan Senate-a Democrats senator pariatte leh Republican hruaitute chu White House-ah inbiain, Affordable Care Act subsidy chungchangah inremna an siam thei ta a ni.

Senate-a vote lak tura inremna an siamah hian,Democrats lamin an phut Affordable Care Act chungchang chu December chawlhkar hnihnaah Senate-ah ngaihtuah an remti a ni. White House-a Democrats leh Republican senator-ten inbiakna an neih hnuah, president Donald Trump chuan shutdown chu a tawp thuai dawn niin a sawi.

Inremna an siam hi Senate-ah pawma an pass hnuah House of Representatives-in an pawm ve leh a ngai dawn a, hemi hnu hian President-in a hming a ziah hnan ang. Senate leh House-ah vote lak a la nih dawn avangin sorkar shutdown titawp tur hian ni eng emaw chen a la ngai dawn niin a lang.